直接購買

江戶玉川屋 東京烏冬・東京蕎麥麵

日本宮內廳御用 全東京23區唯一乾麵製造商 江戶玉川屋

watch_later 倒數36 日

江戶玉川屋簡介

乾麵製造商「玉川食品株式會社」係已經創業80年嘅老舖麵屋。其熟練費工嘅乾麵製法所帶出嘅美味與好品質,喺東京當地得到眾多顧客嘅支持,唔單只成為東京都內6區175間學校嘅供餐項目,亦係日本宮內廳御用嘅麵啊。由職人精心打造下所誕生嘅「烏冬」,因其高品質和美感更被選為日本宮中祭祀「新嘗祭」嘅奉納品。另外,用上歌舞伎町造型嘅嶄新包裝「東京蕎麥麵」(東京そば)、「東京烏冬」(東京うどん),好啱買嚟做東京手信,受到訪日外國人嘅喜愛,大受好評!隨著遊客嘅增長,店舖嘅銷售額亦逐年增長。

除咗沿用傳統古法製麵方式,仲加入咗「SDGs(可持續發展目標)」意識去進行商品開發。例如,海膽數量太多會食哂海入面嘅海藻,造成海洋生態瓦解,日文稱為「磯焼け」。有見及此,作為東京唯一嘅乾麵製造商,以保護鹿兒島阿久根環境為出發點,開發出海膽麵品,幫助解決「磯焼け」問題。就係咁樣開始銷售「環保、美味、減輕地球負擔嘅產品」。另外,製作過程亦考慮到「食物再利用」嘅意識。例如製造乾麵時,免唔過會產生一啲彎彎曲曲嘅麵條,俗稱「麵渣」。通常「麵渣」會當做廢棄物而丟掉處理,「玉川食品株式會社」就搵到位於厚木市嘅臼井農場配合,將「麵渣」提供畀養豬場作餌料,為食物再利用出一分力,減少浪費食物。

 

商品特點

呢款充滿日本東瀛風嘅「浮世繪畫」特色包裝,係東京極品烏冬+蕎麥麵嘅套裝,唔單只包裝迷人,麵條亦誘人。東京烏冬・東京蕎麥麵最大特點係採用兩種特殊製法(湯捏製法、熟成乾燥製法)去製作。煮好嘅麵條會有【彈牙滑溜嘅口感】同【通透清新感】非常滋味。
 

1.「湯捏製法」最大特徵係,用咗並非通常製法嘅冷水捏製,而係使用92℃以上嘅熱水捏製。用熱水去捏製時,使用嘅揉搓水,會黏化(α化)部分原材料中含有嘅澱粉成分,做出比普通產品更優良更富有彈力嘅口感。

2. 「熟成乾燥製法」,通常喺乾燥程序中,會用大概6~12小時時間,將麵嘅水分快速乾燥至目標數字,而相反地,「熟成乾燥製法」就用成24小時以上嘅長時間乾燥,以咁嘅程序乾燥,慢工出細貨,會有下面所列嘅效果。 

  • ①麵條中高水分狀態會長時間持續,麵條熟成效果會更好,品質更高。
  • ②由於麵條當中嘅水分含量係逐漸咁慢慢减少,乾燥時麵組織嘅速度亦會相對緩慢,所以麵條質感會比較緊密,更有質感。

以上兩種嘅特殊製法,令麵嘅品質更加提高,減低一般乾麵特有嘅硬身口感,變成有如生麵般嘅柔軟彈牙口感,口感滑溜細膩,演繹出非一般風味。

另外,原材料中加入咗「waxy corn starch」(ワキシーコーンスターチ),令即使煲煮後嘅麵條都相對無咁易老化(麵條唔容易變淋)。另外,雖然好多烏冬都有「需要較長時間煲煮」呢個問題,但呢款乾烏冬亦比一般乾烏冬嘅需要煲煮時間少大概一半。


產品列表