眾籌集資

更薄更型!HITOE L-zip L Business「真皮勁薄銀包」

「未來Shopping」眾籌平台中,達成史上最高眾籌金額嘅長銀包,變得「更薄更型」新登場。唔止更薄,連容量亦變得更大,超實用!
HK$ 227,087 調節
153%達成 目標額: HK$ 148,200
watch_later 結束

活動

HITOE L-zip L [Business]

日,本經濟新聞社設立嘅未來SHOPPING入面,得到歷代最高嘅眾籌金額(21,097,260日圓=約港幣1百50萬元)嘅長銀包,進化到更,薄更型咁新登場!

今次新型號,根據前一個型號嘅客戶反映意見,進行咗徹低嘅改良。
唔止變得更薄,連容量亦變得更大,可以放到勁多嘢!

※此為眾籌集資計劃產品,如未能達成目標集資金額,產品將不會出售,亦不會進行信用卡扣款。

SYRINX|D2C Leather Brand

由建築家・佐藤宏尚全權管理營運嘅SYRINX,採用由計劃產品到賣到顧客手上,都一條龍自己做哂嘅D2C(Direct to Consumer)型銷售模式。而喺咁多間D2C公司裡面,SYRINX更特別嘅係,佢唔止係製造商同營運者,仲係由設計師自己成立嘅品牌。所以佢地更加重視令人興奮嘅最近最尖端嘅設計產品。


「Designer to Consumer」
將設計師嘅理想直接帶畀顧客。

通常商品開發嘅過程,會加入設計師、技術人員、製造人員、銷售人員等唔同嘅意見,雖然咁樣會減低開發商品嘅風險,但同時亦令到獨創嘅產品好難誕生。SYRINX就唔一樣,佢將設計師嘅理想,經眾籌方式直接面世。因此,可以將得到高評價嘅商品設計成真。


SYRINX由2018年至今,經眾籌平台總計獲得超過1億5千日圓資金(※資料截至2020年2月尾)

▶︎ SYRINX官方網站

單(HITOE),就係咁簡單

「唔使拎手袋,兩手空空就可以出街!」
就係為咗實現呢個想法, HITOE系列就誕生咗。


「身心都可以輕鬆舒適」

高性能、方便携帶、收藏量大。HITOE就具備哂呢啲好處,相信絕對可以能你嘅生活更加豐富美好。

以薄取勝嘅「單(HITOE)構造」

銀包變得厚,係因為散紙同卡重疊埋一齊。而解決呢個問題嘅就係「單(HITOE)構造」(已登記特許設計專利)。卡同散銀唔會重疊,係平面上分散開,咁就會比平時嘅銀包薄好多。

而且,只係用咗4塊皮。
可以放到20張銀紙、15個硬幣、16張卡,咁強嘅收藏量,但個銀包都只係厚大概15mm。壓倒性咁薄!※唔止放日圓,面積比較大嘅港紙金牛放入都啱啱好!
 

 

向「厚皮革」挑戦

如果將皮革就咁整薄佢,拎嚟整薄銀包就好簡單。但皮革薄咗就無咁耐用,亦有損皮革原本嘅風味。
 

「用厚嘅皮革,但製薄嘅銀包。」
 

呢個既貪心又矛盾嘅難題,就係我地嘅挑戰。不斷重覆試製作品,直至達成而家HITOE嘅設計。最外面使用嘅,係可以完全感受到皮革原本嘅魅力,有成2mm厚嘅「元厚之皮革」。但係,銀包入面就只有7mm嘅厚度。呢個就係前無古人嘅「厚皮革薄銀包」

獨一無二嘅存在,HITOE L-ZIP L再升級

改善點1 更薄更型

  •  

「想放多啲卡」
聽見對前一個型號嘅長銀包意見,而作出咗改善。
舊型號設有一個卡位套,可以一次過裝哂啲卡入去。但係如果太多卡放埋一齊嘅話,唔單止會變得好厚,搵起卡上嚟亦比較麻煩。

有見及此,今次將放卡位增加至兩個。咁就可以分開兩個位放卡,既可以入到多啲卡,又可以「更薄更型」咁用。

今次嘅靈感係來自HITOE嘅短銀包款L-ZIP。喺出品之前擔心會有覺得散紙位太淺等負面意見,但結果完全無,反而得到好多「好方便用」嘅正面評價。得到呢啲支持嘅聲音,就令設計師大膽咁將長銀包款嘅散紙位都改淺啲,增加放卡嘅位置至兩個。

改善點2 特別製作嘅拉鍊頭

舊款式有一啲因為拉鍊頭卡住而做成銀包嘅邊位損壞嘅例子。所以今次拉鍊頭改咗,用咗向YKK特別訂製嘅原創設計。唔需要好大力咁拉,而且唔容易卡住褲袋,提高咗耐用性。


個拉鍊頭只用咗直線同弧形構成,表面並無任何圖案印字嘅簡單設計,唔會刮花袋布。而品牌標誌就細細粒唔注目咁印咗喺背面。而且呢個印製同時喺一個凸出嚟揸手防滑位。由側面睇會發現拉手位外面比較好,咁係為咗方便拎住個拉鍊頭。
 

雖然只係好微小嘅一個部份,但就已經凝聚咗SYRINX嘅設計哲學。

改善點3 皮革切口嘅精細琢磨

皮革邊(切口位)嘅加工,係用咗磨製嘅方法。一般製法會係切口位塗上邊油,但經過年月變化,就會剝落,令人在意。雖然手工更加繁複,但切口採用磨製嘅方法,就無咗呢個擔心,精心琢磨下嘅皮反而會越用越有味道。

6個超乎想像嘅方便用法

01 手機、護照、存摺…全部放得入

一般嘅長銀包,因為會太厚,唔會有位放埋手提電話入去。但係呢個就算入面塞滿都咁薄嘅「HITOE」銀包,就可以將智能電話放入去拎出街就得。大部嘅iPhone XS Max都放得入。
當我開始用「HITOE」之後,首先由返工搭車已經唔同咗。唔使為咗拎銀包同iPhone而帶手袋出街,剩係放呢個銀包入褲袋就已經可以搭車返工。而且,平日去食LUNCH,週末同小朋友去街玩嘅時候,或者出街買嘢時…任何時候都只需要帶「HITOE」一樣嘢。兩手空空就可以方便自由咁生活,無哂煩惱。仲可以放銀行存摺或者護照添。去海外旅行時可以當埋嚟做護照套。

 

02  散紙包越淺越好用

如果放散紙嘅袋太深,就好難直接咁拎想要嘅硬幣出嚟。HITOE嘅散紙袋嘅部份淺而且開口大,一眼睇哂,好容易就可以搵到想用嘅硬幣。而且有拉鍊,一閂拉鍊就唔使擔心銀仔會跌出嚟。咁淺嘅袋都最多可以放成20個硬幣。非常易輕就可以放哂最多可用硬幣幣值999日圓=15硬幣(※如圖一樣)入去。

03 放好多卡都得

有兩個放卡位。一個喺散紙包旁邊,可以放同現金一齊用嘅儲分卡、保險證等。另一個係下面嘅獨立放卡位,就可以放車牌同信用卡等比較方便。

閂埋拉鍊嘅話,就唔使驚重要嘅卡會跌出嚟。

04 Cashless is Smart,方便嘅雙頭拉鍊

使用兩邊都可以開嘅特製拉鍊。如果只有一個拉鍊頭,咁如果想用散紙位下面嘅卡,就要將條拉鍊開到好大。但使用雙頭拉鍊嘅話,就可以用最細嘅動作就拎到想用嘅卡。唔使驚唔小心跌咗啲散銀。可以更Smart咁用Cashless付款。

好似圖中所示咁,用咗雙頭拉鍊,只要喺打開散紙位旁邊,就可以同時用到卡同現金。

05 容易放入褲袋嘅形狀

HITOE嘅其中一邊嘅邊位,專登製得薄身啲。咁無論放入褲袋,定拎出嚟嘅時候,都唔會卡住,好順暢就拎到。

06 高耐用性嘅拉鍊EXCELLA

用咗YKK出品最高級嘅拉鍊「EXCELLA」。EXCELLA嘅尺吋精度極高,喺好少會出現「唔啱牙」狀況嘅拉鍊。所以就算剛開始用時覺得拉鍊唔順,只要慢慢用落,就會越嚟越順滑。
越平嘅拉鍊,採用嘅尺吋會大啲,咁拉嘅時候會覺得好輕鬆。但亦都會因為咁樣而好易出現「唔啱牙」嘅狀況,令拉鍊會唔啱位,甚至甩出嚟,或者卡住開唔到等嘅狀況。EXCELLA嘅所有細節部分都好細心琢磨,極為精細,係可以長期耐用嘅最高級拉鍊。

Tempesti Elbamatt(エルバマット)

濃厚色彩・Vachetta leather

Tempesti公司出品嘅Elbamatt皮革,一直繼承守護住歷史悠舊嘅「Vachetta製法」。「Vachetta製法」喺源自意大利托斯卡尼(Tuscany),由9世紀初就傳承至今。佢使用咗被譽為最靚最耐用嘅北歐產成牛嘅板,以自然樹木嘅丹寧鞣製,令油完全浸透皮革。Elbamatt皮革擁有美麗嘅濃厚色彩,喺一眾嘅意大利皮革入面,亦係特別令人注目嘅存在。

由於Elbamatt皮革已經有足夠嘅油浸透最內部嘅纖維,所以無須任何皮油嘅保養。亦已加盟「意大利植物丹鞣製皮革協會」。

 

無須Oil Care

由於Elbamatt皮革製成時已經用油完全浸透所有纖維,所以唔需要另外再用油保養皮革。如果用咗皮油嘅話,會令皮嘅氣孔閉塞,難透氣,令皮革容易老化。另外,亦唔好加任何放水噴霧或者其他coating。如果皮革唔透氣就會硬化。

唔需要任何特別嘅保養。

就算有少少嘅擦花等,都會自然回覆。如果刮花得勁,就當係皮革風味嘅一部份,隨住皮革年齡增加,色彩亦會跟住變化。

 

對環境保護嘅措施

Elbamatt皮革為咗實踐可持續發展嘅環境,全面使用廢物重環再用。

・使用製造傢俬、紙等嘅木材剩餘物抽出嘅植物油嚟做鞣製。
・使用嘅原皮亦係食用牛肉加工過程中嘅副產物。

・由真皮除去嘅動物毛髮,亦會用作農業肥料。
・而淨化工序時嘅沉殿物,亦會使用於煉瓦製造嘅建設方面。
 

有「意大利植物丹寧鞣製皮革協會」發行嘅有個別編號品質證明書,證明該出品嘅品質同埋實行環保措施。

 

成熟魅力嘅4色[Business]系列

[Business]系列用咗Elbamatt皮革中嘅「Texas」系列,佢嘅手感好幼滑,就好似絲絨一樣。

皮上嘅傷痕、皺紋等,唔會加上押形或者顏料遮住修保,而係保持原有風味。完完全全感受到原皮嘅風味,就係最高品質嘅天然皮革嘅最佳證明。每一個痕跡都係獨一無二嘅個性,希望客人都可以接受同欣賞原始嘅美。

柔滑嘅觸感加上瓦色嘅皮喺特徵。由於皮革內含有好多油,所以皮嘅成長亦會好快。越用就會越順滑、色澤亦會越靚、越嚟越濃厚。

 

日本皮革職人細心打造

SYRINX完全無多餘嘅minimal design,要求高精度嘅技術。因此,SYRINX嘅製品並唔係喺工廠量產,而係選擇擁有高技術嘅日本國內嘅小型工房,將SYRINX講究嘅設計細咁製成實物。

開箱時嘅喜悅

銀包將會方入專用嘅包裝盒時送到府上,留返個盒留嚟保管用都得。有禮盒就用嚟做禮物都好合適。

製品概要

外形寸法:約W.180 x H.99 x D.7mm(中間)20mm(最深)
製品重量:約115g
材料  :牛皮(意大利Tempesti公司Elbamatt)
生産  :岡山県倉敷市(日本)
付屬品 :意大利植物單寧鞣制皮革協會品質證明書
     包裝盒
     使用説明書
知的財産:專利登錄第1637888號
     國際設計專利(中國) 登記 第5338009號
     海牙國際設計專利登計DM/203565

 

※此為眾籌集資計劃產品,如未能達成目標集資金額,產品將不會出售,亦不會進行信用卡扣款。